WIE IS ONS?
Rock Worship is 'n diverse groep mense wat lief is om God te aanbid met musiek en sang. Ons hartklop is vir doelgerigte toewyding in ons hartspostuur om God met egtheid te aanbid en so ook Sy mense te lei in dieselfde. Ons streef daarna om ons lewensstyl so uit te leef, dat God se verheerliking deur ons spieëlbeeld, en die gemeenskap aanspoor om Jesus en Sy koningkryk met erns te soek.
WAT OM TE VERWAG
'n Tipiese Donderdagaand is waar ons span as familie nader groei in eenheid voor God. Ons begin gewoonlik die aand met gesellige deel van getuienisse, Woordbesprekings en gebed om geestelik voor te berei vir aanbidding vir Sondae. Die res van die aand oefen ons die musiek en verfyn ons voordrag in eerbied aan God. Ons sluit af met gesamentlike aanbidding in oorgawe.
HOE WORD JY DEEL?
As jy 'n begeerte het om jou talente aan die Here toe te wy en of 'n passie het vir aanbidding, nooi ons almal uit wat belangstel in klank, media, video kameras, instrumente speel en sang om te kom inloer.
Kom maak gerus 'n draai by Rock Worship op Donderdagaande en ervaar die vreugde van gemeenskap, die krag van aanbidding en die passie vir die verspreiding van die evangelie.
Tyd: 19:00 – 21:00 | Waar: Rotsgemeente (auditorium)
Vir meer inligting of enige navrae, kontak gerus vir Marco van der Merwe by
